பருத்தித்துறையைச் சேர்ந்த தமிழ் குடும்பமொன்று பிரித்தானியாவில் கொரோன தொற்று

பருத்தித்துறையைச் சேர்ந்த தமிழ் குடும்பமொன்று பிரித்தானியாவில் கொரோன தொற்றுக்கு உள்ளாகியுள்ளதாக அங்கிருந்து வரும் தகவல்கள் தெரிவிக்கின்றன.

பிரிட்டன் குடியுரிமையை பெற்று Southall நகரில் வசிக்கும் கணவன் மற்றும் மனைவிக்கே இந்த தொற்று ஏற்பட்டுள்ளது.

கார் சாரதி ஒருவர் தனக்கு இருமல் மற்றும் காய்ச்சல் இருப்பதாக தெரிவித்து 111 என்ற தொலைபேசி இலக்கத்துக்கு அழைத்துள்ளார்.அவரை மருத்துவமனைக்கு அழைத்து பரிசோதனை செய்தவேளை அவருக்கு கொரோனா தொற்று இருப்பது உறுதிப்படுத்தப்பட்டுள்ளது.

இதனையடுத்து அவரது காரில் இறுதியாக பயணம் செய்தவர்கள் யாரென விசாரித்த நிலையிலேயே பருத்தித்துறையை சேர்ந்த குடும்பத்தலைவனுக்கு கொரோனா தொற்று இருந்தமை கண்டு பிடிக்கப்பட்டது.

தொடர்ந்து மனைவிக்கும் காய்ச்சல் இருந்த நிலையில் அவருக்கும் பரிசோதனை மேற்கொண்டதில் கொரோனா தொற்று இருப்பது உறுதி செய்யப்பட்டது.

எனினும் அவர்களது மகன் மற்றும் மகளுக்கு கொரோனா தொற்று உள்ளதா என்பது உறுதிப்படுத்தப்படவில்லை.